Berisha mbyll fushatën elektorale sot në Berat dhe Durrës
Kreu i Partisë Demokratike, Sali Berisha, vijon turin e takimeve elektorale në prag të zgjedhjeve të 11 majit. Gjatë ditës së sotme, ai do të zhvillojë dy takime përmbyllëse të fushatës në qytetet e Beratit dhe Durrësit.
Takimi i parë do të mbahet në Berat në orën 17:30, ku Berisha do të prezantojë për herë të fundit para zgjedhjeve programin e koalicionit PD-ASHM për qeverisjen. Më pas, në orën 20:00, ai do të zhvendoset në Durrës për takimin e fundit të kësaj fushate.
Gjatë gjithë turit elektoral, lideri i opozitës është pritur me entuziazëm nga qytetarët, duke shënuar pjesëmarrje masive në të gjitha qarqet e vendit. Sipas Partisë Demokratike, kjo fushatë është karakterizuar nga mbështetje e gjerë dhe energji për ndryshim.
Takimet e sotme shënojnë përmbylljen e fushatës zgjedhore të PD dhe aleatëve të saj, përpara se qytetarët t’u drejtohen kutive të votimit këtë të shtunë.
